تحضير للولادة

خلال الثلث الثاني والثالث للحمل بتكوني بقمة الحماس والتحضيرات للولادة في أوجهن وهون بتبلشي تسألي أسئلة وبتكون عندك تساؤلات وممكن مخاوف مثل : وينتا أوصل المستشفى ؟

ايش أعمل في حال نزول مية الراس ؟

ايش هو الطلق ؟

كيف أتعامل مع وجع الطلق ؟

كيف أمنع تمزقات في العجان ؟

كيف ووينتا أعمل مساج العجان ؟

كيف أشد بطريقة صحيحة في الولادة ؟

كيف أتنفس ؟

أي وضعية مفضل أولد ؟

كيف اتـواصل مع الطواقم الطبية في غرفة الولادة ؟
هل رح يكونوا مصغيين لالي ولصعوباتي ؟

كيف أختار مستشفى ؟

أنواع التحضير للولادة في العيادة

هناك عدة أنواع دورات تحضير للولادة ,أحنا بنقوم بملائمة الدورة المناسبة ألك حسب أحتياجاتك

في دورات تحضير للولادة بمجموعة ودورات تحضير للولادة زوجية وفردية

من خلال دورات التحضير للولادة بقوم على التركيز بتزويدك بأدوات عملية وفعالة لتساعدك على التعامل مع الولادة تقديمها والتعامل مع الطلق

في الدورة راح تكتسبي أدوات مثل أنواع نفس مختلفة لكل مرحلة من مراحل الولادة ,وضعيات مختلفة وملائمة لمراحل الولادة المختلفة ,طرق أسترخاء وكيف تقومي بمساج العجان بطريقة صحيحة والأهم أدوات عملية لتمنعي التمزقات الجروح والقطب في الولادة

كجزء من الدورة كل مشتركة بتحصل على لقاء فردي معي في العيادة اللي من خلالة بعلمها أستعمال صفارة جيارم

هدف الصفارة في الولادة :

تخفيف وجع الطلق والفحوصات الطبيه خلال الولادة
مساعدة الجنين يتأسس في الحوض وبالتالي الولادة بتتقدم أسرع
الشد بطريقة صحيحة لتمنعي القطب والضرر لقاع الحوض وتقصير وقت الشد ومنع التدخلات الطبيه مثل : الولادة القيصرية والولادة مع شفاط

من خلال اللقاء الفردي بستعمل جهاز التراساوند لأعلمك ترخي قاع الحوض في الولادة وتستخدمي عضلات البطن بطريقة صحيحة وهيك الشد في الولادة بكون صحيح مناسب لجسمك وما بتطلب منك تفعيل قوة وشد زائد والأهم أنك بتشوفي بعينيكي تحت الألتراساوند أيش بصير بقاع الحوض وبترجعي عالبيت لتتمرني على الشد الصحيح وهيك خلال الولادة بتكوني متأكدة أنك بتستعملي جسمك بطريقة صحيحة

ينصح المشاركة في دورات التحضير للولادة من الأسبوع 22 وما فوق

مدة التحضير للولادة

عدة لقاءات أو لقاء واحد حسب أحتياجاتك

هناك أمكانية لدورة كاملة بمجموعة مكونة من عدة لقاءات الى جانب لقاء فردي واحد بالأضافه لتحضير فردي \ زوجي مكون من لقاء مكثف أو عدة لقاءات

ممكن اون لاين أو في العيادة

يعطيك العافيه لنا شو اخبارك ؟ حبيت اخبرك الحمدلله يوم الجمعه خلفت نشكر الله ولاده طبيعيه، انا نفسي فعليا مصدقتش انه جسمي كان قادر يتخطى هيك تجربه عظيمه بدون مسكنات او مساعدات خارجيه الحمدلله رب العالمين شكراً الك ع كل معلومه صدقاً ساعدتيني فيها ، شكرا عالصفاره اللي مفارقتنيش غير بس بأخر اكم نفس معدود استغنيت عنها شكرا لجهاز التنس اللي رافقني لتفتح 8 , بالمجمل بعد فضل ربنا وتوعيتك مكنتش رح اكون مبسوطه بهاي التجربه العظيمه اللي فعليا بتشعري معنى روح بتطلع منك

صفارة جيارم استعملتها وكثييييييييير ساعدت حتى الدكاترة والممرضات الكل بقا يستغرب قديش بقع عندي القدر عالتحكم بالنفس الدكتوره عملتلي stripping بتقولي اول مرة بحياتي المهنية بنجح معي هيك وبسرعة وشعرت بالأغشية لاني قدرت اسيطر على حالي بالنفس الصح وكمان بقيت مشغلة التنس وفي غرفة الولادة لما شفن صفارة جيارم انبسطن وقلن انه كل الاحترام انك هيك جاهزة من جميع النواحي

مرحبا لنا شو الاخبار؟ حابة احكيلك انه مبيرح خلفت الحمدلله، واتشكرك ع كل المعلومات اللي اعطتينا اياه بالورشة، كثير حكولي المولدات انه النفس والشد عندي صح، والحمدلله كانت ولادة سريعة بدون كثير تدخلات طبية

اللقاء كان مفيد جدًا الي ولجوزي مع كل المعلومات المهمة الي لازم نعرفها، كثير كان مهم الي جوزي يكون معي لانه مرافقني بكل خطوة وبساعدني دايمًا مع كل الاوجاع والضغوطات خلال الحمل، فأكيد وجوده بلقائنا ويسمع منك كل الملاحظات رح يساعدني لقدام وضحتيلنا كثير نقاط مهمة، ومن أهمها الحركات وقت الطلق ووقت الابرة وكيف جوزي بقدر يساعدني بالاخص انه بتذكر هذه الامور أكثر مني يا رب ييسر امورنا ونقدر نطبق كل هذه المعلومات شكرًا كثير لنا